उत्तर प्रदेशमा भीषण गर्मी, बलियामा ३ दिनमा ५४ जनाको मृत्यु

उत्तर प्रदेश, असार ३
उत्तर प्रदेशको बलियामा भीषण गर्मीका कारण पछिल्ला तीन दिनमा ५४ जनाको मृत्यु भएको छ । जिल्ला अस्पतालका चिकित्सा अध्यक्ष डा. एसके यादवका अनुसार ४ सयजना भन्दा बढी बिरामीलाई अस्पतालमा भर्ना गरिएको छ ।

१५ देखि १७ जुनको बीचमा ज्वरो, श्वास फुल्ने जस्ता समस्याले ग्रसित सर्वसाधारणहरू अस्पतालमा भर्ना भएका छन् । यादवका अनुसार १५ जुनमा २३, १६ जुनमा २० र १७ जुनमा ११ जनाको मृत्यु भएको छ । जिल्लामा मृत्यु हुनेको सङ्ख्या बढेसँगै आजमगढ मण्डलका स्वास्थ्य निर्देशक डा। बी।पी। तिवारीले डाक्टरहरूको एक टोलीलाई लखनउबाट बोलाएको छ ।

उनका अनुसार लखनउको टोली आएर मृत्युको कारण पत्ता लगाउनेछ । उता, जिल्ला अस्पतालमा बिरामीहरूको सङ्ख्या पनि तीव्र रूपमा वृद्धि भएको छ । अस्पतालमा पर्याप्त स्ट्रेचरको सुविधा नभएका कारण बिरामीहरूलाई काँधमा बोकेर इमर्जेन्सीसम्म लैजानुपर्ने अवस्था रहेको छ । बीबीसी हिन्दी