विश्वकप छनोट अघि ओमानसँग अन्तिम अभ्यास खेल खेल्दै नेपाल
काठमाडौं, जेठ ३२
नेपालले आज ओमानसँग दोस्रो अभ्यास खेल खेल्दैछ ।
आइसिसी विश्वकप एकदिवसीय विश्वकप छनोट अघि आज नेपालले अन्तिम वार्मअप खेल ओमानसँग खेल्न लागेको हो।
जिम्बाबेको हरारेमा हुने यो खेल नेपाली समय अनुसार दिउँसो पौन १ बजे शुरु हुने छ। नेपालले जिम्बाबे पुगेर यसअघि मंगलबार खेलेको खेलमा युएईसँग तीन विकेटले पराजित भएको थियो ।
विश्वकप छनोट प्रतियोगिता समूह ए मा नेपाल, वेस्टइन्डिज, जिम्बावे, अमेरिका र नेदरल्यान्ड्स छन् ।
समूह बी मा आयरल्यान्ड, श्रीलंका, युएई, स्कटल्यान्ड र ओमान छन्। प्रतियोगिता असार ३ देखि २४ सम्म जिम्बावेमा हुनेछ।
प्रकाशित मिति: ३२ जेष्ठ २०८०, बिहिबार
