बलिउडका ६ अभिनेता : जसले चढ्छन् करोडौंका गाडी

मुम्बई– बलिउड कलाकारको महंगो जीवनशैली निकै शौखिन हुन्छ । प्रायः सफल कलाकारसंग त ब्राण्डेड गाडीको कलेक्शन नै छ । ती गाडीहरु लाख नभएर करोडौँ मूल्यका हुन्छन् ।

उनीहरु समय–समयमा नयाँ डिजाइन र ब्राण्डमा आएका गाडीलाई करोडौँ मूल्य चुकाएर किनिरहेका हुन्छन् ।

शाहरुख खान
बलिउडमा किङ खान भनेर चिनिने शाहरुख खानको भव्य जीवनशैलीसंग बलिउड कलाकार पनि लोभिने गर्छन् । शाहरुखसंग अहिले बीस वटा गाडी रहेका छन् । सबै गाडी महंगा तथा ब्राण्डेड छन्, तर त्यसमा पनि सबैभन्दा मंहगो कार बुगाटी वेरन रहेको छ, जसको मूल्य १२ करोड भारतीय रुपैयाँ बराबर छ ।

अमिताभ बच्चन
८० वर्षको हाराहारीमा पुगेका बलिउडका महानायक अमिताभ बच्चन आज पनि फिल्ममा उत्तिकै सक्रिय रहेका छन् । उनी अहिले पनि कारका निकै शोखिन छन् । उनीसंग आजको दिनमा पनि २५ वटा कारहरु छन् । उनीसंग सबैभन्दा महंगो कार भनेको मर्सिडीज बेन्ज रहेको छ । यसको मूल्य साढे दश करोड भारु रहेको छ ।

अक्षय कुमार
अभिनेता अक्षय कुमारलाई विभिन्न ब्राण्डका गाडी कलेक्शन गर्ने रुचि रहेको छ । उनीसंग अहिले सबैभन्दा महंगो कार भनेको आठ करोड भारु पर्ने रोल्स रोयस फ्यान्टम सेभेन रहेको छ ।

रणवीर सिंह
अभिनेता रणवीर सिंह फेशनको ममलामा निकै अगाडि छन् । उनले लगाएका पहिरनजस्तै उनी चढ्ने गाडीको पनि चर्चा भइरहन्छ । उनीसंग भएका गाडीहरुमध्ये ब्राण्डेड र महंगो गाडी एस्टन मार्टिन स्पोर्ट्स हो । जसको मूल्य आठ करोड भारु पर्छ ।

ऋतिक रोशन
ऋतिक रोशनसंग भएका विभिन्न गाडीहरु मध्येको महंगो गाडी नै रोल्स रोयस घोस्ट सीरीज २ हो । उनको यो गाडीको मूल्य सात करोड भारु पर्छ ।

अजय देवगन
अजय देवगन पनि महंगो गाडी चढ्ने कलाकारमा पर्छन । उनको सबैभन्दा महंगो गाडी रोल्स रोयस कुलिनन हो । यो गाडीको मूल्य ७ करोड भारु पर्छ ।