पाकिस्तानमा भारी वर्षाका कारण २५ जनाको मृत्यु
एजेन्सी, जेठ २८
भारी वर्षाले पाकिस्तानको उत्तरपश्चिमी क्षेत्रमा घरहरू भत्किँदा कम्तीमा २५ जनाको मृत्यु भएको छ ।
खैबर पख्तुनख्वा प्रान्तको बन्नु, लक्की मारवत र कारक जिल्लाहरूमा शनिबार वर्षा र असिनाले क्षति पुर्याएको हो ।
वरिष्ठ उद्धार अधिकारी खातीर अहमदका अनुसार रुख ढल्दा विद्युतीय प्रसारण टावर ढलेर १४५ जना घाइते भएका छन् ।
‘अधिकारीहरूले घाइतेहरूलाई आपतकालीन राहत उपलब्ध गराउन काम गरिरहेका थिए,’ अहमदले भने ।
गत महिना गर्मीमा असामान्य हिमपातको क्रममा हिमपहिरोमा परी महिला र बालबालिकासहित करिब एक दर्जन व्यक्तिको मृत्यु भएको थियो ।
प्रकाशित मिति: २८ जेष्ठ २०८०, आइतबार
