ब्रेकअपपछि पनि पूर्व प्रेमीसँग रोमान्स गर्दै सारा

मुम्बई। अभिनेत्री सारा अली खान चाँडै फिल्म ‘स्काई फोर्स’मा देखिँदैछिन्।

यो फिल्ममा उनले पूर्व प्रेमी वीर पहाडियासँग रोमान्स गर्नेछिन्। पहाडिया उनका पूर्वप्रेमी हुन् । दिनेश विजान र जियो स्टुडियो प्रोडक्सनको यो फिल्ममा पहाडियाको डेब्यू अभिनय रहनेछ।

सन्दीप केवलानीको निर्देशनमा बनिरहेको फिल्ममा यसै महिनाबाट सुटिङ सुरु भएको थियो। अक्षय कुमारको समेत अभिनय रहेको फिल्मको तीन महिनामा विभिन्न स्थानमा सुटिङ हुनेछ।

हाल फिल्मको सुटिङ लण्डनमा भइरहेको छ। फिल्म आगामी वर्ष रिलिज हुनेछ। वीर प्रख्यात व्यवसायी सञ्जय पहाडियाका छोरा हुन्।

केही समयअघि ‘कफि विथ करण’मा सारा र जान्हवीले दुई भाईसँग डेटिङ गरिरहेको कुरा खुलासा गरेका थिए। ती दुई भाई वीर र शिखर पहाडिया थिए। जान्हवी अहिले पनि शिखरसँग डेटमा छिन्।