गर्मी बढेपछि दुई दिन विद्यालय बिदा

काठमाडौं, जेठ १७
विराटनगरका विद्यालयमा दुई दिन बिदा दिइएको छ। केही दिन देखि बढेको गर्मीका कारण विराटनगरका विद्यालयमा दुई दिन बिदा दिइएको विराटनगर महानगरपालिकाले जनाएको छ।

बर्खे बिदाबाट कट्टी हुने गरी जेठ १८ र १९ गते विराटनगरमा सञ्चालित सार्वजनिक तथा संस्थागत विद्यालयहरू बिदा गरिएको विराटनगर महानगरपालिकाले जारी गरेको सूचनामा उल्लेख छ ।

‘केही दिन देखि बढेको अत्याधिक गर्मीका कारण विद्यालयको पठनपाठनलगायतका गतिविधि गर्न कठिनाइ भएको र विद्यार्थीको स्वास्थ्यमा समेत प्रतिकुल असर पर्ने सम्भावनालाई मध्यनजर गर्दै नगर शिक्षा समितिको जेठ १७ गतेको निर्णय अनुसार विद्यालयहरू बिदा दिइएको छ ’ सूचनामा भनिएको छ।