साताको पहिलो दिन दोहोरो अंकले घट्यो नेप्से

काठमाडौं, वैशाख ३१ । साताको पहिलो दिन आइतबार नेप्से परिसूचक १६.९६ अंकले घटेर १८२१.६४ विन्दुमा कायम भएको छ ।

अघिल्लो कारोबारको ३.३३ अंकले घटेको बजारमा आज २७ लाख ८८ हजार ८१५ कित्ता शेयरको खरिदबिक्री हुँदा ९० करोड पाँच लाख ६३ हजार ८५६ रुपैयाँको कारोबार भएको छ । अघिल्लो कारोबारको तुलनामा आज कारोबार रकम भने बढेको छ ।

कारोबारका आधारमा आज आत्मनिर्भर लघुवित्त वित्तीय संस्था सकारात्मक सर्किटका साथ सर्वाधिक नाफा कमाउनेमा शीर्ष स्थानमा रहेको छ । सर्वाधिक गुमाउनेमा राष्ट्र उत्थान लघुवित्त वित्तीय संस्था, दोर्दी खोला जलविद्युत कम्पनी, हिमालयन ऊर्जा विकास कम्पनी र स्वेत गंगा हाइड्रोपावर एण्ड कन्सट्रक्सन लिमिटेड रहेका छन् ।

त्यस्तै उपसमूहतर्फ रहने १३ वटा समूहमध्ये इन्भेष्टमेन्ट इन्डेक्सबाहेकका सबै समूहको शेयर मूल्यमा गिरावट देखिएको छ ।