विवाह पूर्व रियाशाले दिइन् ब्याचलर पार्टी

काठमाडौं, वैशाख १८
मोडल तथा कलाकार रियाशा दाहालले विवाह पूर्व ब्याचलर पार्टी दिएकी छन् ।

उनले शनिबार केही नजिकका साथीलाई काठमाडौंको बुढानिलकन्ठस्थित पार्क भिलेज रेष्ट्रोमा ब्याचलर पार्टी दिएकी हुन् ।

आकर्षक सेतो वान पिस पहिरनमा सजिएकी रियाशाले विवाहको दिनको काउटडाउन सुरु भएको भन्दै सामाजिक सञ्जालमार्फत केही तस्वीर सार्वजनिक गरेकी छन् ।

रियाशाले रुटिन अफ नेपाल बन्दका सञ्चालक भिक्टर पौडेल ‘रुटिने’सँग विवाह गर्न लागेकी हुन् । भिक्टर र उनको विवाह बैशाख २० गते काठमाडौंमा एकपार्टी प्यालेसमा आयोजना हुँदैछ । भिक्टर र रियाशाले लामो समयदेखिको प्रेमलाई विवाहमा परिणत गर्न लागेका हुन् ।

युट्यूवमा प्रशारण हुने भिडियो सिरिज ‘आजकालको लभ’ बाट चर्चामा आएकी रियाशा पछिल्लो समय ‘गाह्रो छ हो’ सिरिज र म्युजिक भिडियोमा ब्यस्त छिन् ।