‘नाइँ नभन्नू ल ६’ अर्को गीत सार्वजनिक

काठमाडौं, वैशाख ९
चलचित्र हो ‘नाइँ नभन्नू ल ६’ को ‘कबाट कछुवा’ बोलको नयाँ गीत सार्वजनिक भएको छ ।

ओएसआर डिजिटल युट्युब च्यानलमार्फत ‘कबाट कछुवा’ बोलको गीत सार्वजनिक गरिएको हो।

कविराज गहतराजको कोरियोग्राफी रहेको गीतमा अभिनेत्री प्रियंका कार्की शिक्षिकाको भूमिकामा देखिएकी छन् ।

बेनिशा पौडेलको स्वर, डा. सुबोधकुमार पोखरेलको शब्द तथा भुपेन्द्र रायमाझीको संगीत रहेको उक्त गीतमा बच्चाहरुलाई पढाउँदै गरेको देखिएको छ ।

विकासराज आचार्यद्वारा निर्देशित चलचित्रमा प्रियंकाका अलावा आँचल शर्मा, आशिर्वाद क्षेत्री, केकी अधिकारी, सरोज खनाल, खड्गबहादुर पुन, अथर्व उप्रेती, योगिशा खत्री लगायतको अभिनय देख्न रहेको छ ।

आख्यान फिल्मस्को ब्यानरमा निर्माण भएको चलचित्रका निर्माता विकासराज आचार्य र विष्णुमणि दाहाल हुन् । पुरुषोत्तम प्रधानले छायांकन गरेको चलचित्रलाई सन्देश शाहले सम्पादन गरेका छन्।

यो चलचित्र आगामी वैशाख १५ गतेदेखि प्रदर्शन हुँदैछ।