वैशाख १ मा रिलिज हुने भनिएको ‘नाइँ नभन्नु ल ६’ को प्रदर्शन रोकियो

काठमाडौं । वैशाख १ गते रिलिज हुने भनिएको चलचित्र ‘नाइँ नभन्नु ल ६’ को प्रदर्शन रोकिएको छ ।

समयमै सेन्सर पास नहुँदा प्रदर्शन रोकिएको बताईएको छ ।

फिल्मसँग सम्बन्धित एक निर्माताको आर्थिक लेनदेनलाई लिएर चलचित्र विकास बोर्डमा उजुरी परेपछि बोर्डले विवादका कारण सेन्सर सिफारिस नदिएको हो ।

विकास आचार्य निर्देशित फिल्ममा आर्शिवाद क्षेत्री र आँचल शर्मालाई मुख्य भूमिकामा छन् ।

फिल्ममा आर्शिवाद र आँचलका साथै सरोज खनाल, प्रियंका कार्की, केकी अधिकारी, अनुभव रेग्मीलगायतको अभिनय छ।

फिल्मलाई वैशाखभित्रै प्रदर्शन गर्ने तयारी भइरहेको जनाइएको छ ।