अफगानिस्तानमा गएको भूकम्पले पाकिस्तानमा पहिरो, सयौँ घाइते
एजेन्सी, चैत्र ८
अफगानिस्तान केन्द्रबिन्दु भएर गएको शक्तिशाली भूकम्पमा परी छिमेकी देश पाकिस्तानमामा समेत असर परेको छ ।
भूकम्पबाट अफगानिस्तान र पाकिस्तानमा गरी सयौँ जना घाइते भएका छन् भने भौतिक संरचनामा पनि व्यापक क्षति पुगेको पाकिस्तानी समाचार संस्थाहरूले जनाएका छन् ।
उत्तरी पाकिस्तानको खाइबर पख्तुन्वा क्षेत्रमा भूकम्पबाट निकै ठुलो क्षति पुगेको छ । मुख्यतः भूकम्पपछि त्यस क्षेत्रमा पहिरो जाँदा बढी क्षति भएको हुन पुगेका छ ।
मंगलवार राति पौने ११ बजे पाकिस्तान र काजकिस्तानको सीमा क्षेत्र नजिक केन्द्रबिन्दु भएर ६.८ म्याग्निच्युडको भूकम्प गए पछि भौतिक क्षति भएको हो । क्षतिको थप विवरण अझै आइसकेको छैन । यद्धपी, सो भूकम्पमा परी ११ जनाको मृत्यु भएको जनाइएको छ ।
भूकम्पको धक्का भारतको राजधानी नयाँदिल्लीदेखि चीन, काजकिस्तान, उज्बेकिस्तान, किर्गिस्तानलगायतका मुलुकमा महसुस भएको छ ।
प्रकाशित मिति: ८ चैत्र २०७९, बुधबार
