बिहे भोज खाने बेला घाँटीमा मासु अड्किएर एक जनाको मृत्यु
मोरङ, फागुन २२
घाँटीमा मासु अड्किएर मोरङमा एक जनाको मृत्यु भएको छ ।
जिल्लाको उर्लाबारी नगरपालिका–१ का ५२ वर्षीय घिसिङ धिमालको मृत्यु भएको छ ।
आइतबार दिउँसो छिमेकीको बिहे भोज खाने क्रममा मासु घाँटीमा अड्किएर धिमालको मृत्यु भएको प्रहरीले जनाएको छ ।
मासु अड्किएपछि घिसिङ्लाई उपचारका लागि नजिकैको क्लिनिक लैजाँदै गर्दा उनको बाटैमा मृत्यु भएको बताइएको छ ।
प्रकाशित मिति: २२ फाल्गुन २०७९, सोमबार
