प्रदेश १ को नामाकरण हुँदै, नाम कोशी !
विराटनगर, फागुन १७
प्रदेश १ ले आज आफ्नो प्रदेशको नामाकरण गर्ने तयारी गरेको छ । यहाँको प्रदेश सभामा प्रतिनिधित्व गर्ने दलहरुको सहमतिमा नामकरणको विषय प्रदेशसभामा आज प्रवेश गराउने तयारी छ ।
आज बिहान १० बजे सर्वदलीय छलफलपछि प्रदेशसभामा प्रक्रियाका लागि नामले प्रवेश पाउने छ ।
नेकपा माओवादीका नेता गणेश उप्रेतीका अनुसार प्रदेशले आज नाम पाउने बताएका छन् । अघिल्लो प्रदेश सभाले गर्न बाँकी राखेको एउटा महत्वपूर्ण कार्य आजको प्रदेश सभाले फाइनल गर्छ, यो प्रदेशले आज नाम पाउँछ उप्रेतीले भने ।
माओवादीले कोसी नाममा समेत सहमति जनाउने रणनीति लिएको छ ।
नेकपा एमालेले मंगलबार संसदीय दलको बैठक गरेको थियो । एमालेका सांसद अहिले विराटनगरमा नै रहेका छन् । प्रदेश १ ले कोशी नाम पाउनेमा प्रायः सबै दल एकमत भएका छन् ।
प्रकाशित मिति: १७ फाल्गुन २०७९, बुधबार
