सुर्य नेपाल एनपीजीए म्याच प्ले, क्वाटर(फाइनल समिकरण पुरा

काठमाडौं, माघ १०
सुर्य नेपाल गल्फ टुर अन्तर्गत २०२२/२३ सिजनको तेस्रो प्रतियोगिता सुर्य नेपाल एनपीजीए म्याच प्लेको क्वाटर(फाइनल समिकरण पुरा भएको छ।
नेपाल नम्बर एक प्रोफेसनल गल्फर शुक्र बहादुर राई, दोस्रो वरियताका साविक विजेता भुवन नगरकोटी तथा रबि खड्का, रमेश अधिकारी, धन बहादुर थापा, जयराम श्रेष्ठ, भुवन कुमार रोक्का र दिनेश प्रजापतिले पहिलो चरणको खेल जित्दै अन्तिम आठमा स्थान बनाए।

शुक्रले २०औं वरियताका टंक बहादुर कार्कीलाई सहजै ५र४ ले हराए। शुक्रले क्वाटरफाइनलमा १०औं वरियताका भुवन कुमार रोक्कालाई प्रतिद्वन्द्वीको रूपमा भेट्टाएका छन्। भुवनले नवौं वरियताका रामे मगरलाई २र१ ले माथ दिए।

दोस्रो वरियताका भुवन नगरकोटीले भने १९औं वरियताका सञ्जोक मोक्तानलाई २र१ ले हराए। उनले अब आठौं वरियताका धन बहादुर थापासँग खेल्नेछन्। धनले पहिलो चरणमा ११औं वरियताका धरानका बलभद्र राईलाई ३र२ ले पराजित गरे। यसैगरी तेस्रो वरियताका जयराम श्रेष्ठले क्वाटर(फाइनलमा पुग्ने क्रममा १७औं वरियताका कृष्णमान राजबाहकलाई अन्तिम होलमा ९१(अप० पराजित गरे। उनले अब सातौं वरियताका दिनेश प्रजापतिसँग खेल्नेछन्।

दिनेशले पनि अन्तिम होलमा १२औं वरियताका सुर्य प्रसाद शर्मालाई पराजित गरे। अर्को खेलमा पाँचौ वरियताका रबि खड्काले १५औं वरियताका प्रदीप कुमार लामालाई २र१ ले हराउँदै क्वाटर(फाइनलको यात्रा तय गरे। उनले १३औं वरियताका रमेश अधिकारीसँग खेल्नेछन्। रमेशले पहिलो चरणमा अप्रत्याशित नतिजा निकाल्ने क्रममा छैटौं वरियताका सञ्जय लामालाई ३र१ ले माथ दिए।

गत सिजनको उत्कृष्ट १६ प्रोफेसनल गल्फरले प्रतियोगिता भाग लिने भएतापनि चार खेलाडी देश बाहिर रहेकोले उत्कृष्ट २० सम्मका खेलाडीले मौका पाएका हुन्। पहिलो चरण, क्वार्टरफाइनल, सेमीफाइनल र तेश्रो स्थानको लागी हुने खेल १८ होलको हुनेछ भने फाईनल खेल ३६ होलको प्रतिस्पर्धा हुनेछ। बुधवार क्वार्टरफाइनल र सेमीफाइनलका खेलहरु हुनेछन्। बिहिवार तेश्रो स्थान र फाइनल खेल खेलिनेछन्।

सुर्य नेपाल प्रालिको प्रायोजनमा पीजीए नेपालले आयोजना गरेको प्रतियोगिताको कुल पुरस्कार राशी २ लाख ५० हजार रहेको छ।

विजेता खेलाडीले ६० हजार रुपिया प्राप्त गर्नेछन् भने उपविजेताले ४२ हजार पाउँनेछन्। तेश्रो र चौंथो हुने प्रोले क्रमशः ३२ हजार र २४ हजार प्राप्त गर्नेछन्। क्वार्टर(फाइनलमा पराजित हुने चार खेलाडीले समान ११ हजार प्राप्त गर्नेछन् र पहिलो चरणबाट बाहिरिने आठ खेलाडीले समान ६ हजार प्राप्त गर्नेछन्।