संविधान संशोधन प्रस्ताव सदनमा दर्ता गर्ने प्रधानमन्त्रीको तयारी
काठमाडौं, कात्तिक २७
प्रधानमन्त्री पुष्पकमल दाहालले संविधान संशोधन प्रस्ताव आइतबार व्यवस्थापिका संसदमा दर्ता गराउने तयारी गरेका छन् ।
संशोधन प्रस्तावबारे सत्तारुढ दल काँग्रेसका सभापति शेरबहादुर देउवा र प्रमुख प्रतिपक्षी दल नेकपा एमालेका अध्यक्ष केपी शर्मा ओलीलाई दाहालले यसअघि नै जानकारी गराइसकेका छन् ।
उनले शनिबार ठूला तीन दल र मधेशी मोर्चावीच वार्ता गर्ने तयारी समेत गरेका छन् ।
प्रधानमन्त्री दाहालले मधेशी मोर्चालाई कात्तिक मसान्त भित्रै संशोधन प्रस्ताव दर्ता गराउने आश्वासन दिएका थिए ।
प्रकाशित मिति: २७ कार्तिक २०७३, शनिबार
