मन्त्रालय फुटाउने र उपप्रधानमन्त्रीको संख्या बढाउने काम सुशासन विपरीत : भीम रावल
काठमाडौं, पाैष २१
नेकपा एमालेका नेता डा. भीम रावलले सत्ता स्वार्थमा मन्त्रालय फुटाएर संख्या बढाउने र उपप्रधानमन्त्रीको संख्या बढाउने काम सुशासन र जनचाहना विपरित भएको टिप्पणी गरेका छन् ।
बुधबार राति सामाजिक सञ्जाल ट्वीटरमार्फत नेता रावल यस्तो टिप्पणी गरेका हुन् ।
उनले यो सरकारलाई शान्ति प्रक्रियाको संक्रमणकालको अभ्यास गर्ने छुट नभएको पनि बताए ।
उनले लेखेका छन्, ‘नेपालको संविधान जारी भएपछि दोस्रो आम निर्वाचन पछिको यो सरकारलाई शान्ति प्रक्रियाको संक्रमण कालको अभ्यास गर्ने छुट छैन । अतः सत्ता स्वार्थमा मन्त्रालय फुटाएर संख्या बढाउने र उपप्रधानमन्त्रीको संख्या बढाउने काम सुशासन र जनचाहना विपरीत छ। आफैले लगाएका चर्का नाराको सम्झना गर्ने कि ?’
प्रकाशित मिति: २१ पुस २०७९, बिहिबार
