चीनसँगको विवादित सीमा क्षेत्रमा भारतीय सैनिक अहिलेसम्मकै सबैभन्दा धेरै
एजेन्सी, पुस ६
चीनसँगको विवादित सीमा क्षेत्रमा भारतले सैनिकको संख्या बढाएको छ । तनावग्रस्त क्षेत्रमा त्यसअघि परिचालित सैनिकको सङ्ख्या थप गर्दै अहिलेसम्मकै सबैभन्दा धेरै पुर्याइएको हो ।
भारतीय विदेशमन्त्री एस जयशङ्करले चीन एक्लैलाई सीमाको यथास्थितिमा परिवर्तन ल्याउन नदिने समेत बताए ।
अरुणाचल राज्यमा केही दिन अघि भारत र चीनका सैनिकहरूबीच झडप भएपछि भारतीय विदेशमन्त्रीको पछिल्लो प्रतिक्रिया आएको हो । तर थपिएको सैनिक संख्या खुलाइएको छैन ।
चिनियाँ सैनिकहरूले सीमामा अतिक्रमण सुरु गरेपछि प्रतिवाद गरिएको भारतीय पक्षको दाबी छ ।
प्रकाशित मिति: ६ पुस २०७९, बुधबार
