भीम रावल भन्छन् – सरकार बनाउने कुरा राष्ट्र हितमा हुनुपर्छ, पद र सुविधाको भागबण्डामा होइन
काठमाडौं, पुस १
नेकपा एमालेका नेता डा. भीम रावलले सरकार बनाउने विषय राष्ट्रहितमा केन्द्रीत हुनुपर्ने सुझाव दिएका छन् ।
प्रमुख दलहरूको ध्यान नयाँ सरकार गठनमा केन्द्रित रहेका बेला डा. रावलले पद र सुविधा भागबण्डाको विषय बनाइन नहुने सुझाव दिएका हुन् ।
सामाजिक सञ्जालमा ट्वीट गर्दै नेता रावलले लेखेका छन्, ‘समानुपातिक निर्वाचन गुटबन्दी, नातावाद, कृपावादको शोख पूरा गर्दै मनपरी गर्नको लागि होइन, यस्तै हुने हो भने यसलाइ खारेज गर्नुपर्छ । सरकार बनाउने कुरा राष्ट्र हितका विषयमा आधारित हुनुपर्छ, पद र सुविधाको भागबण्डामा होइन ।’
निर्वाचन आयोगले मंसिर ४ गते भएको प्रदेशसभा र प्रतिनिधिसभा सदस्य निर्वाचनको परिणाम राष्ट्रपति विद्यादेवी भण्डारीलाई बिहीबार बुझाएको थियो ।
प्रकाशित मिति: १ पुस २०७९, शुक्रबार
