धनुषा ४ मा एमाले सचिव रघुवीर महासेठ निर्वाचित
काठमाडौं, मंसिर १३
प्रतिनिधि सभाको धनुषा क्षेत्र नं ४ मा एमालेका सचिव रघुवीर महासेठ निर्वाचित भएका छन् ।
नेपाली कांग्रेसका सहमहामन्त्री महेन्द्र यादवलाई १ सय २४ मतको अन्तरले पराजित गर्दै महासेठ निर्वाचित भएका हुन् ।महासेठले ३२ हजार २ सय ३६मत ल्याए भने यादवले ३२ हजार १ सय १२ मत ल्याए।
महासेठ २०७४ को निर्वाचनमा समेत यही निर्वाचन क्षेत्रबाट जित निकालेका थिए । यो जीत संगै नेकपा एमालेले मधेश प्रदेशमा सबैभन्दा बढी ९ वटा प्रतिनिधिसभा क्षेत्रमा जीत निकालेको हो।
प्रकाशित मिति: १३ मंसिर २०७९, मंगलबार
