विद्यार्थी बोकेको बस दुर्घटना
कञ्चनपुर, कात्तिक २४
विद्यार्थी बोकेर ल्याउँदै गरेको म १ ख ६०७ नम्बरको बस बेलौरी राजमार्गको दुलैना नजिकको चितौरा खोलानजिक दुर्घटना हुँदा आठजना घाइते भएका छन् ।
चन्द्रसूर्य बोर्डिङ स्कुल झलारीको उक्त बस दुर्घटनामा घाइते हुनेमा सात विद्यार्थी र एक शिक्षक रहेको इलाका प्रहरी कार्यालय झलारीका प्रहरी निरीक्षक सुदाम रावलले बताए । घाइते सबैको झलारीस्थित निजी क्लिनिकमा उपचार भइरहेको छ ।
घाइते सबै खतरामुक्त रहेको बताइन्छ । टिप्परले नाघेर जान खोज्दा दुर्घटना भएको प्रत्यक्षदर्शीले बताएका छन् । टिप्परलाई अस्थायी प्रहरी चौकी बन्साहाले नियन्त्रणमा लिएको छ । चालक भने दुर्घटनापछि फरार छन् ।
प्रकाशित मिति: २४ कार्तिक २०७३, बुधबार
