अरुण गाउँपालिकामा कांग्रेस विजयी

भोजपुर, जेठ २
भोजपुरको अरुण गाउँपालिकामा नेपाली कांग्रेस विजयी भएको छ । यहाँ अध्यक्ष उपाध्यक्ष दुबै पदमा कांग्रेस विजयी भएको हो ।

नेपाली कांग्रेसका शालिकराम खत्री २८ सय ८७ मत ल्याउँदै पालिकाको अध्यक्ष पदमा निर्वाचित भएका हुन् । उनका प्रतिस्पर्धी एमालेका नारायण प्रसाद घिमिरेले २४ सय २४ मत प्राप्त गरे । त्यस्तै माओवादीका डिल्लिराम अधिकारीले १८ सय २७ मत प्राप्त गरे ।

उपाध्यक्षमा कांग्रेसकी विनिता ढकालले ३ हजार मत प्राप्त गर्दै विजयी भइन् । एमालेकी कविता राईले २५ सय ४४ र नेकपा एकिकृत समाजवादीका होमबहादुर श्रेष्ठले १ हजार ९० मत प्राप्त गरे ।

यहाँ ४ वटा वडा माओेवादी २ वटा वडा कांग्रेस र एउटा वडा एमालेले जितेको छ ।