अभिनेता भुवन, कलाकार रविन्द्र र अभिनेत्री श्वेता कांग्रेस प्रवेश

काठमाडौं, वैशाख २०
अभिनेता भुवन केसी नेपाली कांग्रेस प्रवेश गरेका छन् ।

अभिनेता केसीसहित कलाकार रविन्द्र खड्का र अभिनेत्री श्वेता खड्का पनि मंगलबार कांग्रेस प्रवेश गरेका हुन् ।

कलाकार रविन्द्र खड्काले प्रधानमन्त्री निवास बालुवाटारमा आयोजित कार्यक्रममा पार्टी सभापति एवं प्रधानमन्त्री शेरबहादुर देउवाले पार्टी प्रवेश गराएको जानकारी दिए ।

स्थानीय तहको निर्वाचनको छेकोमा चर्चित कलाकारहरु पार्टी प्रवेश गरेका हुन् । स्थानीय तह निर्वाचन आउन भने १० दिन बाँकी छ ।