आर्थिक संकटका कारण श्रीलंकामा औषधि अभाव
काठमाडौं, वैशाख २
श्रीलंकामा चरम आर्थिक संकटका कारण औषधी अभाव हुन थालेको छ ।
त्यहाँको स्वास्थ्य मन्त्रालयका अनुसार विरामीलाई अत्यावश्यक पर्ने कतिपय औषधीको अभाव हुन थालिसकेकाले तत्काल व्यवस्था गर्न आग्रह गरेको छ ।
मन्त्रालयका अधिकारीहरूले सरकारी अस्पतालहरूमा उपकरणको समेत अभाव भएको बताएका छन् । अत्यावश्यक औषधी तथा उपकरणहरु छिमेकी तथा सहयोगी मुलुकहरुसँग तत्काल माग्नु पर्नेमा पनि उनीहरुले जोड दिएका छन्।
दक्षिण एसियाली मुलुक श्रीलंकामा आर्थिक संकटका कारण केही हप्तादेखि धेरै चिजको अभाव भइरहेको छ भने मूल्य बृद्धि पनि अत्यधिक भएको छ।
प्रकाशित मिति: २ बैशाख २०७९, शुक्रबार
