भारतमा कोरोना संक्रमण एक्कासि बढ्यो, चौथो लहरको संकेत

एजेन्सी, वैशाख २
भारतमा कोरोना संक्रमितको संख्या एक्कासि बढेसँगै चौथो लहरको संकेत देखा परेको छ ।

नोयडा र गाजियावादको विद्यालयका विद्यार्थीमा ठूलो संख्यामा कोरोना देखिएकाले यसलाई चौथो लहरको संकेतका रूपमा लिन सकिने विज्ञहरूले दाबी गरेका छन् ।

यस्तै, दिल्लीमा पछिल्लो २४ घण्टामा थप २ सय ९९ मा संक्रमण देखा परेको छ । यो संख्या २ दिनअघिको तुलनामा १ सय १८ प्रतिशत बढी हो ।

दिल्लीमा कोभिड संक्रमण दर शून्य दशमलव ५ प्रतिशतबाट बढेर २ दशमलव ७० प्रतिशत पुगेसँगै भारतको स्वास्थ्य मन्त्रालयले पुनः सतर्कता अपनाउन सर्वसाधारणलाई आह्वान गरेको छ ।

विज्ञहरूले भारतमा जुन र जुलाई महिनामा कोरोनाको संक्रमण बढ्ने र सेप्टेम्बर महिनासम्म रहने अनुमान गरेका छन् ।