आईपीएलमा बेंग्लोरमाथि चेन्नईको जित
काठमाडौं, चैत्र ३०
इन्डियन प्रिमियर लिग (आईपीएल) अन्तर्ग गएराति भएको खेलमा चेन्नई सुपर किंग्सले रोयल च्यालेन्जर्स बेंग्लोरमाथि २३ रनको जित हासिल गरेको छ ।
पहिला ब्याटिङ गरेको चेन्नईले निर्धारित २० ओभरमा ४ विकेट गुमाउँदै २१६ रनको विशाल लक्ष्य खडा गरेको थियो ।
चेन्नईका लागि शिवम दुवेले अविजित ९५ रन तथा रोबिन उथप्पाले ८८ रनको पाली खेले।
जवाफी ब्याटिङमा उत्रिएको बेंग्लोरले निर्धारित ओभरमा ९ विकेट गुमाएर १९३ रन मात्र बनाउन सक्यो।
चेन्नईका महीश थीक्सनाले ४ विकेट लिए।
प्रकाशित मिति: ३० चैत्र २०७८, बुधबार
