भोजपुरमा बिरामीको चाप बढ्यो
भोजपुर, कार्तिक १९
दसैँ तिहार सकिएलगत्तै भोजपुरमा बिरामीको चाप ह्वात्तै बढेको पाइएको छ । नेपालीको महान् चाड दसैँ र तिहारमा खानेकुरामा चिल्लोपदार्थ बढी भएपछि ग्यास्ट्राइटिस, रुघा, निमोनिया, टाइफाइड र ज्वरोका बिरामीको सङ्ख्यामा एक्कासि वृद्धि भएको हो ।
तिहारपछि दैनिक २४ जनाको सङ्ख्यामा बिरामी उपचारका लागि जिल्ला अस्पताल भोजपुरमा आउने गरेको जिल्ला अस्पतालका डाक्टर रमन झाले जानकारी दिए । मौसम परिवर्तन र खानपानको स्तर नमिल्ने भएपछि अस्पतालमा बिरामीको एक्कासि चाप बढेको चिकित्सकहरूल बताएका छन् ।
प्रकाशित मिति: १९ कार्तिक २०७३, शुक्रबार
