आगलागी पीडितलाई आर्थिक सहयोग

भोजपुर, चैत १४
भोजपुरको षडानन्द नगरपालिका वडा नं २ का आगलागी पीडित परिवारलाई आर्थिक सहयोग प्रदान गरिएको छ । यहाँका सन्तराज आचार्यको घर गत चैत ४ गते आगलागी भएर नष्ट भएको थियो ।

आचार्य परिवारलाई भोजपुर काठमाडौं सम्पर्क मञ्चले २० हजार, भोजपुर कतार सेवा समाजले ११ हजार पाँच सय, नेकपा एमाले वडा पार्टि कमिटीबाट ६ हजार ६ सय २० र रोशन बस्नेतले ५ हजार आर्थिक सहयोग गरेका थिए ।

उनिहरुबाट प्राप्त भएको कुल ४३ हजार १ सय २० रुपैयाँ आचार्य परिवारलाई हस्तान्तरण गरिएको सहयोग संकलनमा सक्रिय भोजपुर काठमाडौं सम्पर्क मञ्चका उपाध्यक्ष इश्वर आचार्यले जानकारी दिए ।