आजदेखि एमाले केन्द्रीय कमिटी बैठक, यस्ता छन् एजेण्डा

काठमाडौं, चैत्र ९
नेकपा (एमाले) केन्द्रीय कमिटीको तेस्रो बैठक आज बस्ने भएको छ । बिहान ११ बजे बबरमहलस्थित कार्की ब्याङ्केटमा बैठक बस्दै छ ।

चुनावमा केन्द्रित रहने बैठकमा अध्यक्ष र महासचिवको प्रतिवेदन पेश गर्ने केन्द्रीय प्रचार विभाग उपप्रमुख विष्णु रिजालले जानकारी दिनुभयो ।

बैठकमा सातै प्रदेशका अध्यक्षहरूको रिपोर्टिङ, चुनावी घोषणापत्र, उमेदवार चयनका मापदण्ड लगायत कार्यसूची छन् । बैठक दुई दिनसम्म चल्नेछ ।