अब दमकमा पनि सर्प संग्रहालय
झापा ,कार्तिक १६
नेपाल रेडक्रस सोसाइटीले झापाको दमकमा सर्प संग्रहालय स्थापना गरेको छ ।
सर्पको विषयमा अध्ययन गर्न चाहनेलाई सघाउन रेडक्रसले यो संग्रहालय बनाएको हो । सर्पदंशका विरामीको उपचारसँगै संग्रहालय पनि स्थापना गरिएको दमक रेडक्रसले जनाएको छ । स्कूल तथा क्याम्पसमा अध्ययनरत विद्यार्थीले संग्रहालयमा अध्ययन गर्दछन् ।
संग्रहालयमा एक दर्जन प्रजातिका सर्प राखिएका छन् । झापामा पाइने विभिन्न प्रजातिका सर्पमध्ये गोमन र करेत बढी विषालु छन् । ती सर्पले डसेको जतिसक्दो छिटो उपचारको पहुँचमा पुग्न नसके बिरामीको मृत्यु निश्चित छ ।
उष्ण मनसुनी हावापानीमा रमाउने सर्पको जोखिम तराईमा उच्च छ । विज्ञहरुका अनुसार नेपालमा करीब तीन सय ७५ प्रजातिका सर्प पाइन्छन् । तीमध्ये २२ प्रजातिका सर्प विषालु छन् ।
प्रकाशित मिति: १६ कार्तिक २०७३, मंगलबार
