भाइटीकाकाे साइत ११ बजेर ५२ मिनेटमा

काठमाडाैं, कार्तिक १५
भाेलि भाइटीका । भाइटीकाकाे उत्तम साइत ११ बजेर ५२ मिनेटमा रहेकाे नेपाल पञ्चाङ्ग निर्णायक समितिले जनाएकाे छ ।  “भाइटीकाको भाेलि दिनभर लगाउन कुनै बाधा नभएपनि साइत खोज्नेका लागि मध्याह्न ११ बजेर ५२ मिनेटको समय उत्तम छ,–समितिका अध्यक्ष प्रा डा रामचन्द्र गौतमले बताए ।

लक्ष्मी पूजाका दिन स्थापना गरिएको दियो, कलश र गणेशको पूजा गरी मूल थालीमा लेखिएको अष्टदलमा माकण्डेय, अश्वत्थामा, बलि, व्यास, हनुमान, विभीषण, कृपाचार्य र परशुराम गरी अष्ट चिरञ्जीवी, चित्रगुप्त, यमराज, यमुना र धर्मराज, गणपत्यादि वनस्पत्यन्त देवताको समेत पूजा आजा गरी दिदीबहिनीले दाजुभाईलाई तेलको धाराले छेकेर परम्पराअनुसार सप्तरङ्गी वा पञ्चरङ्गी टीका, मखमली, सयपत्री र गोदावरी लगायतका फूलका माला लगाइदिने गरिन्छ ।