सलमानले हात जोडेर मागे सुनिल शेट्टीकी छोरी अथियासँग माफी

एजेन्सी, साउन ११
बलिउड सुपरस्टार सलमान खान हाल भाइ अरबाज खानको च्याट शो ‘पिंच सीजन २’ को कारण कारण निकै चर्चामा छन् । यसै शोमा सलमानले सुनील शेट्टीकी छोरी अथियासँग माफी मागेका छन् ।

सलमानले माफी मागेको भिडियोमा सुनिल शेट्टीले पनि प्रतिक्रिया जनाएका छन् । सलमानले माफी माग्नुको कारणबारे सुनिलसँग अन्तरवार्ताका क्रममा सोधिएको थियो ।

उक्त अन्तरवार्तामा सुनिलले भनेका छन्,‘सलमान मेरो परिवार जस्तै हुन् । उनी जे गर्छन्, मनबाट नै गर्छन् । उनले स्क्रीनमा अथियासँग माफी माग्नु सबैभन्दा प्यारो कुरा हो । अथिया र सलमानको बीच पनि निकै गहिरो सम्बन्ध छ । सलमान र अथिया एक अर्कासँग राम्रो सम्बन्धमा छन् । र, माफी एक व्यक्तिका लागि जरुरी कुरा पनि हो ।’

अरबाजको शोमा सलमानले सामाजिक सञ्जालमा अथियालाई ‘फलो’ नगरेको सन्दर्भमा अथियासँग हात जोडेर माफी मागेका थिए । उनले अथियालाई अब ‘फलो’ गर्ने पनि बताएका थिए ।