भारत र चीनका राष्ट्रपतिको नेपाल भ्रमण हुँदा सार्वजनिक विदा
काठमाडौं, कात्तिक ११
सरकारले छिमेकी देश भारत र चीनका राष्ट्रपति नेपाल भ्रमणमा आउँदा सार्वजनिक बिदा दिने निर्णय गरेको छ ।
मन्त्रिपरिषदको बिहीबार बसेको बैठकले अबदेखि भारत र चीनका राष्ट्रप्रमुख आउने दिन सरकारी बिदा दिने निर्णय गरेको सूचना तथा सञ्चारमन्त्री सुरेन्द्रकुमार कार्कीले जानकारी दिए ।
भारतका राष्ट्रपति प्रणव मुखर्जी यही कात्तिक १७ गतेदेखि तीनदिने नेपाल भ्रमणमा आउँदै छन् भने चीनका राष्ट्रपतिको नेपाल भ्रमण अनिश्चित छ ।
त्यस्तै बैठकले नेपाल घरेलु तथा साना उद्योग विकास समितिको अध्यक्षमा सिन्धुलीका दीपेन्द्र आचार्यलाई नियुक्त गरेको र थानकोट–चित्लाङको गणेशमान मार्गको स्तरोन्नति गर्ने निर्णय गरेको छ ।
प्रकाशित मिति: ११ कार्तिक २०७३, बिहिबार
