भारतमा ४२ दिन पछिको सबैभन्दा कम संक्रमित फेला

भारत, जेठ ११
भारतमा कोरोनाको दोस्रो लहर कमजोर हुँदै गइरहेको छ । सोमबार यहाँ १ लाख ९५ हजार ६८५ मानिसहरु संक्रमित भेटिए ।

यो आँकडा पछिल्लो ४२ दिनमा सबैभन्दा कम हो । यसअघि १३ अप्रिलमा १ लाख ८५ हजार ३०६ जना कोरोनाद्वारा पोजेटिभ पाइएका थिए ।

यद्यपि, मृत्युको आँकडा सरकार र मानिसका लागि चिन्ताको विषय बनेको छ । भारतमा सोमबार ३,४९६ व्यक्तिमा कोरोनाका कारण ज्यान गुमाउनु परेको छ । साथै, यतिबेला ३ लाख २६ हजार ६७१ जनाले कोरोनालाई मात दिएका छन् ।

यसरी, उपचार गराइरहेका बिरामीको संख्यामा १ लाख ३४ हजार ५७२ को कमी रेकर्ड गरिएको छ ।

भारतमा कोरोना महामारी आँकडामाः
पछिल्लो २४ घण्टामा भेटिएका नयाँ संक्रमितः १.९५ लाख

पछिल्लो २४ घण्टामा निको भएकाः ३.२६ लाख

पछिल्लो २४ घण्टामा कूल मृत्युः ३,४९६

हालसम्म कूल संक्रमित भइसकेकाः २.६९ करोड

हालसम्म कूल मृत्युः ३.०७ लाख

हाल उपचार गराइरहेका बिरामीको कुल संख्याः २५.८१ लाख