अभिनेत्री रोशनी केसीलाई कोरोना संक्रमण
काठमाडौं, जेठ ६
अभिनेत्री रोशनी केसी कोरोना संक्रमित भएकी छन् । केसीमा बुधबार कोरोना संक्रमण पुष्टि भएको हो ।
‘गत हप्ताको मंगलबारबाट मेरो स्वास्थ्यमा समस्या देखिएका थियो । साधारण रुघाखोकी होला भने त्यही अनुसारको औषधी खाएको थिए’, केसीले भनिन्, ‘गत शनिबारदेखि झन् सिरियस बनायो । यो कोरोना नै हो भनेर सजक रहेर छुट्टै बस्दै आएको थिएँ ।’
आफूलाई केही दिन गाह्रो पारेकोले सहज भएपछि बुधबार मात्र कोरोना चेक गराएकी उनको कोरोना पुष्टि भएको बताइन् । उनी अहिले होम आइसोलेसनमा छिन् ।
‘जानी नजानी’ र ‘डा. खाते’ फिल्म समेत निर्माण गरेकी केसी म्युजिक भिडियो समेत निर्देशन गर्दै आएकी छन् । केसी नेपाली कांग्रेसको शुभेच्छुक संस्था नेपाल सांस्कृतिक संघको महामन्त्री पनि हुन् ।
प्रकाशित मिति: ६ जेष्ठ २०७८, बिहिबार
