भाेजपुरमा ३ सय आँखाका बिरामीको उपचार

भाेजपुर, कार्तिक ६

भोजपुरमा गत बुधबारबाट सुरु भएको तीन दिने निशुल्क आखाँ शिविरमा ३ सय भन्दा बढि आँखाका बिरामीहरुको उपचार गरिएको छ ।नेपाल नेत्र ज्योती संघ भोजपुर र आखाँ उपचार केन्द्र भोजपुरको आयोजना तथा विराटनगर आँखा अस्पतालको प्राविधिक सहयोगमा सो शिविर सञ्चालन गरिएको हो ।

भोजपुरको पुरानो डबली टक्सारमा भएको आँखा शिविरमा ५९ जनाको शल्यक्रिया सहित ३ सय ३५ जना बिरामीको आखा उपचार गरिएको आँखा उपचार केन्द्र भोजपुरका प्रमुख विजय तामाङ्गले जानकारी दिनुभयो । शिविरमा डाक्टर सौरभ पियाको नेतृत्वमा ९ जना विषेशज्ञ टोलीले उपचार गरेका थिए ।