चन्द समूहका मोरङ इन्चार्ज पक्राउ
काठमाडौं, माघ ९
नेत्रविक्रम चन्द (विप्लव)समूहका मोरङ जिल्ला इन्चार्ज डीबी सिलवाल भनिने धनबहादुर विक पक्राउ परेका छन् ।
बूढीगंगा–४ मा बुधबार उद्योगी व्यवसायीलाई धम्क्याउँदै चन्दा असुली गरिरहेकोपसूचना प्राप्त भएपछि खटिएको टोलीले नियन्त्रणमा लिएको दाबी गरेको छ । जिल्ला प्रहरी कार्यालय मोरङले उनलाई बिहीबार सार्वजनिक गरेको हो ।
संखुवासभाको मादी–४ ओखरबोटेका विक मिक्लाजुङ–१ का शिक्षक राजेन्द्र श्रेष्ठको हत्यामा संलग्नमध्येका रहेको खुलेको मोरङका डीएसपी मानबहादुर राईले बताए ।
विकका साथबाट एउटा सेमी अटोमेटिक पेस्तोल, ३ वटा गोली भएको म्याग्जिन बरामद भएको प्रहरीले जनाएको छ ।
उनका साथमा भेटिएका ४ वटा मोबाइल, ५ सिमकार्ड र प्रयोग गरेको को२४प ४००५ नम्बरको पल्सर मोटरसाइकलसमेत प्रहरीले नियन्त्रणमा लिएको छ ।
प्रकाशित मिति: ९ माघ २०७७, शुक्रबार
