रघुबीर महासेठ प्रचण्ड समूहको भेलामा, श्रीमती ओली समूहमा
काठमाडौं, पौष ७
संसद विघटनपछि नेकपामा देखिएको विभाजनले नेताहरु आ–आफ्नो कित्तामा उभिरहेका छन् । अधिकांश नेताहरु पहिलेदेखिकै गुटमा रहेका छन् भने केही यताको उता पनि भएका छन् ।
आज ओली पक्ष र प्रचण्ड नेपाल पक्षको केन्द्रीय समिति बैठक बसेका छन् । यसैक्रममा नेकपा नेता रघुबीर महासेठ बबरमहलमा जारी प्रचण्ड माधव समूहको बैठकमा देखिएका छन् भने उनकी श्रीमती जुली महतो बालुवाटारमा जारी केपी शर्मा ओली समूहको भेलामा देखिएकी छिन् ।
महासेठ नेकपाभित्र मधेसबाट प्रतिनिधित्त्व गर्ने प्रभावशाली नेतामा पर्ने गर्छन् । उनी यसअघि केपी ओली पक्षमा रहँदै आएका थिए ।
प्रकाशित मिति: ७ पुस २०७७, मंगलबार
