प्रधानमन्त्री ओलीको सम्बोधन : घेराबन्दीमा पारेपछि अर्को विकल्प रहेन
काठमाडौं, पौष ६
प्रधानमन्त्री केपी शर्मा ओलीले पार्टीबाटै असहयोग र घेराबन्दीमा परेपछि बाध्य भएर संसद विघटन गर्नुपरेको बताएका छन् । उनले यो कुनै आवेशमा आएर गरेको निर्णय नभएको बताए ।
संसद विघटन र त्यसपछि विकसित राजनीतिका बारेमा देशबासीमा नाममा सम्बोधन गर्दै उनले यस्तो धारणा राखेका हुन् । उनले राष्ट्रिय राजनीति र पार्टीभित्रकै केही नेताको जनअपेक्षा विपरितका गतिविधिका कारण यो अवस्था सिर्जना भएको बताए ।
प्रधानमन्त्री ओलीले जननिर्वाचित सरकारलाई असहयोग र घेराबन्दी गरिएपछि आफ्ना सामु जनतासामु जानु बाहेकको अर्को विकल्प नभएको तर्क गरे ।
प्रकाशित मिति: ६ पुस २०७७, सोमबार
