भिरबाट लडेर मृत्यु
पर्वत, असोज २८
पर्वतको आर्थर डाँडाखर्क गाविसमा भिरबाट लडेर बिहीबार बिहान एक वृद्धको ज्यान गएको छ ।छिमेकी स्याङ्जाको बाङ्गसिङ्ग देउराली–५ का ६० वर्षीय रिठे विकको पर्वतको आर्थर डाँडाखर्क–९ स्यानीस्वाँराको भिरबाट लडेर ज्यान गएको हो ।
स्यानीस्वाँरास्थित आरनमा हँसिया लिएर आएका विकको बिहीबार बिहान १० बजेको समयमा भिरबाट खसेर मृत्यु भएको प्रहरीले जनाएको छ । चिप्लो भिरको बाटोमा हिँडेका वृद्धको एक्कासि करिब सय मिटर तल खसेर घटनास्थलमा नै मृत्यु भएको प्रहरीले जनाएको छ ।
प्रकाशित मिति: २८ आश्विन २०७३, शुक्रबार
