नेकपा कर्णालीको प्रमुख सचेतकको जिम्मेवारी सीता नेपालीलाई
सुर्खेत, असोज २६
कर्णाली प्रदेश संसदीय दलको प्रमुख सचेतकको जिम्मेवारी सचेतक सीता नेपालीलाई दिइएको छ ।
मुख्यमन्त्री तथा संदस्य दलका नेता महेन्द्रबहादुर शाहीले दलका प्रमुख सचेतक गुलावजङ्ग शाहलाई हटाएर सीता नेपालीलाई प्रमुख सचेतकको जिम्मेवारी दिएका हुन् । शाहको काम कारबाही उचित नभएको भन्दै मुख्यमन्त्री शाहीले पदमुक्त गरेको जानकारी दिए ।
मुख्यमन्त्री शाहीले प्रदेश सभा दलको विधान धारा (७) अनुसार पदमुक्त गरिएको र अहिलेसम्म गरेको कामका लागि शाहलाई धन्यवाद दिएका छन् । शाह पूर्वएमालेका हुन् भने नेपाली पुूर्वमाओवादीका हुन् ।
आइतबार सत्ता पक्षकै सांसदहरुले मुख्यमन्त्रीविरुद्ध अविश्वासको प्रस्ताव दर्ता गरेपछि नेकपा कर्णालीमा विवाद चुुलिँदै गएको छ । यसैबीच मङ्गलबार संसदीय दलको बैठक बस्ने तयारी भएको छ ।
प्रकाशित मिति: २६ आश्विन २०७७, सोमबार
