कोरोना संक्रमित नेकपा सचेतक शान्ता चौधरी आईसीयूमा

काठमाडौं, असोज २४
कोरोना संक्रमित सत्तारुढ दल नेकपाकी सचेतक शान्ता चौधरीलाई आईसीयूमा भर्ना गरिएको छ ।

चौधरीलाई शुक्रबार राति आईसीयूमा सारिएको हो । वीर अस्पतालमा उपचाररत चौधरीलाई श्वासप्रश्वासमा समस्या भएपछि आईसीयूमा सारिएको उनको सचिवालयले जनाएको छ ।

श्वासप्रश्वासमा कठिनाइ भएको उनले तीन दिनअघि नै सामाजिक सञ्जालमार्फत् जानकारी गराएकी थिइन्।

पाँच दिनअघि उनलाई लक्षण सहितको संक्रमण पुष्टि भएको थियो। १० वर्षअघि उनलाई स्तन क्यान्सरसमेत भएको थियो ।