विश्वकप छनोटः अर्जेन्टिनाको विजयी सुरुआत

काठमाडौं, असोज २३ एजेन्सी

कप्तान लियोनेल मेस्सीको पेनाल्टी गोलसँगै अर्जेन्टिनाले विश्वकप छनोटको पहिलो खेलमा विजयी सुरुवात गरेको छ । अर्जेन्टिनाले इक्वेडरलाई १(० ले‌ पराजित गरेको हो ।

खेलको १३ अौं मिनेटमा मेस्सीले पेनाल्टीमा गोल गर्दै अग्रता दिलाएका थिए । इक्वेडरका पेर्भीस इस्टुनपियनले लुकास ओकाम्पसलाई पेनाल्टी क्षेत्रभित्र लडाएपछि रेफ्रीले पेनाल्टी दिएका थिए । २० अौं मिनेटमा लौटारो मार्टिनेजको पासमा मेस्सीको प्रहार डिफ्लेक्ट हुँदै बाहिरियो ।

दोस्रो हाफको ४८अौं मिनेटमा मार्टिनेजको पासमा ओकाम्पसको प्रहार गोलरक्षक एलेक्जेन्डर डोमिन्गेजले बचाए । ७३ अौं मिनेटमा मेस्सीको क्रसमा एडुआर्डो साल्भियोको हेडर पोस्टभन्दा बाहिरियो । इन्ज्युरी समयको चौथो मिनेटमा रोड्रिगो डे पल चुक्दा अर्जेन्टिना १–० मै चित्त बुझाउन बाध्य भयो ।

विश्वकप छनोट अन्तर्गत अर्को खेलमा पाराग्वे र पेरुले २(२ को बराबरी खेले ‌। उरुग्वेले चिलीलाई २(१ ले‌ पराजित गर्यो । उरुग्वेको जितमा लुइस सुआरेज र म्याक्सी गोमेजले १(१ गोल गरे ।