रेखा थापाले गरिन् विवाहको मिति सार्वजनिक
काठमाडौं, असोज १९
चर्चित नायिका रेखा थापाले आउँदो मंसिरमा नयाँ घरजम गर्ने तयारी गरेको बताएकी छन् ।
एक अनलाइन मिडियासँगको छोटो कुराकानीमा नायिका थापाले आउने मंसिरमा विहे गर्ने तयारी रहेको बताइन् । तर हुनेवाला पतिको नाम चाहीँ खुलाउन चाहिनन् ।
हुनेवाला पति को त भन्ने पत्रकारको जिज्ञासामा, उनले नाम अहिले नभनौं तर पेशा चाहीँ चलचित्र क्षेत्रको भन्दा बाहिरको हो, विहे पछि थाहा भइहाल्छ नि भनेर बात मारिन् ।
यस अघि नै आफुले विगतलाई सम्मान गर्दै अर्को विहे गर्ने तयारीमा रहेको बताइकी थिइन् ।
उनका पूर्वपति छवि ओझाले दशैंको टिकाको साइतमा नवनायिका शिल्पा पोखरेलसँग विहे गर्ने खबर बाहिर आइरहेका बेला रेखा थापाले पनि आफ्नो विहे मंसिरको पहिलो साता हुने खुलासा गरेकी हुन् ।
छविराज ओझासँग आफ्नो विहे नभएको समेत रेखाले दावी गरिन् ।
प्रकाशित मिति: १९ आश्विन २०७३, बुधबार
