भारत र पाकिस्तानका सुरक्षा सल्लाहकारहरुबीच वार्ता, भयो नयाँ सहमति ?
काठमाडौं, असोज १७
भारत र पाकिस्तानका राष्ट्रिय सुरक्षा सल्लाहकारबीच फोन वार्ता भएको भारतको सरकारी समाचार एजेन्सी पीटीआइले जनाएको छ ।
फोन वार्तामा दुबै देशको सीमा नियन्त्रण रेखामा तनाव कम गर्ने सहमति भएको छ ।
भारतले पाकिस्तानको सीमा भित्र छिरेर सर्जिकल स्ट्राइक गरेको बताएपछि दुबै देशबीच तनाव झनै चर्किएका बेला यस्तो सहमति भएको हो ।
पाकिस्तानका प्रधानमन्त्री नवाज शरीफका विदेश मामिला सल्लाहकार सरताज अजिजले पाकिस्तानको एक सञ्चारमाध्यमसँग कुरा गर्दै दुबै देशका सुरक्षा सल्लाहकारबीच सीमामा देखिएको तनाव कम गर्ने विषयमा सहमत भएको बताए ।
उनले आफूहरु तनाव कम गर्ने पक्षमा भएपनि भारतले सीमामा तनाव बढाएर विश्वको ध्यान कश्मिरमा पुगाएको आरोप लगाए ।
प्रकाशित मिति: १७ आश्विन २०७३, सोमबार
