युवतीलाई नाङ्गो बनाउन खोजेको आरोपमा स्वास्थ्यकर्मी पक्राउ
दाङ, असार १५
दाङमा युवतीलाई नाङ्गो बनाउन खोजेको आरोपमा एक स्वास्थ्यकर्मी पक्राउ परेका छन् ।
स्थानीय गोर्खा हस्पिटलमा एक युवतीलाई नाङ्गै बनाउन खोज्ने एक्स–रे गर्ने प्राविधिक बबई गाउँपालिका–५ का २२ वर्षका नवराज डाँगीलाई प्रहरीले पक्राउ गरेको हो ।
घोराही लुहासुरस्थित अस्पतालमा एक्स–रे गर्न गएकी १९ वर्षकी युवतीलाई डाँगीले नाङ्गो बनाई एक्सरे गर्न खोजेको भन्दै आफन्तले प्रहरीमा उजुरी गरेका थिए ।
दाङका प्रहरी प्रमुख एसपी गणेश चन्दले एक्स–रेमा काम गर्ने युवकले संवेदनशील अंग पनि छोप्न नदिई एक्स–रे गराउन खोजेको भन्दै प्रहरीमा उजुरी परेको बताए । घटनाबारे अनुसन्धानका लागि वडा प्रहरी कार्यालयले डाँगीलाई जिल्ला प्रहरी कार्यालय पठाएको छ ।
प्रकाशित मिति: १५ असार २०७७, सोमबार
