नेपालमा थप ९ जनामा कोरोना संक्रमणको पुष्टि, संक्रमितको संख्या २५८ पुग्यो
काठमाडौं, जेठ २
थप ९ जनामा कोरोना भाइरसको संक्रमण पुष्टि भएको छ । योसँगै नेपालमा संक्रमितको संख्या २ सय ५८ पुगेको छ ।
स्वास्थ्य तथा जनसंख्या मन्त्रालयले आज विहान विज्ञप्ति जारी गर्दै थप ९ जनामा कोरोना भाइरसको संक्रमण पुष्टि भएको जानकारी दिएको हो ।
विज्ञप्ति उल्लेख गरिएअनुसार भेरी अस्पताल नेपालगञ्जमा गरिएको परीक्षणमा बाँके ८ जना र मकवानपुरका एक जनामा कोरोना भाइरसको संक्रमण पुष्टि भएका छ । उनीहरु सबै पुरुष हुन्।
प्रकाशित मिति: २ जेष्ठ २०७७, शुक्रबार
