नदीमा डुबेर दुई जनाको मृत्यु

काठमाडौं, भदौ ३१

सप्तरी र कैलालीमा दुई दिनमा नदीमा डुवेर २ जनाको मृत्यु भएको छ भने १ जना बेपक्ता भएका छन् । सप्तरीको कंचनरुप नगरपालिका–२ बरमझियाका बोना सरदारको १८ महिनाको छोरा करण सदाको घर नजिकै रहेको पुलमा खेल्ने क्रममा पुलबाट खसेर पुल मुनि जमेको पानीमा डुबेर मृत्यु भएको छ ।

यस्तै कैलालीको मसुरिया–८, ऐठाखोलामा नुहाउने क्रममा स्थानीय जोखन चौधरीका १० वर्षीय छोरा अमृत चौधरी खोलामा डुबेर बेपत्ता भएकोमा घटनास्थलदेखि करीब ७ सय मिटर तल उनी मृत अवस्थामा फेला परेको प्रहरीले जनाएको छ । यसैगरी अत्तरिया–११ श्रीलंका टोल नजिक महना नदीमा नुहाउन गएका कोटातुल्सीपुर गाबिस जगतपुरका र ससुराली घरमा बस्दै आएका २४ वर्षीय सुरज चौधरी नदीमा डुबेर बेपत्ता भएका छन् ।