संविधान कार्यान्वयनमा सरकार अग्रसर : मन्त्री जोशी
भीमदत्तनगर, भदौ ३० जनसङ्ख्या तथा वातावरणमन्त्री जयदेव जोशीले सरकार संविधान कार्यान्वयनमा लागि परेको बताउनुभयो ।
नेकपा संयुक्तले आज बिहान कञ्चनपुरको भीमदत्तनगरमा आयोजना गरेको पत्रकार सम्मेलनमा मन्त्री जोशीले संविधान कार्यान्वयनमा सबै क्षेत्र तह र तप्काबाट सहयोग पुग्ने धारणा राख्नुभयो । “सबै राजनीतिक दल र पक्ष मिलेर संविधान कार्यान्वयनतर्फ अग्रसर हनुपर्ने बेला आएको छ ।” उहाँले भन्नुभयो – ‘मधेसी मोर्चालाई पनि सहमतिमा ल्याएर संविधान कार्यान्यवन हुनेछ ।”
मन्त्री जोशीले सरकारले छिमेकी मुलुक भारत र चीनमा विशेष दूतका रुपमा उपप्रधानमन्त्रीहरु पठाएर उच्च सम्बन्ध विस्तारमा जुटेको बताउनुभयो ।
त्यसैगरी संविधान कार्यान्वयनसँगै आगामी चैतभित्र स्थानीय तहको निर्वाचन हुने उहाँले दाबी गर्नुभयो ।
प्रकाशित मिति: ३० भाद्र २०७३, बिहिबार
