किन भइरहेकाे छैन उपसभामुखको निर्वाचन?
काठमाडौं, चैत्र ४
संघीय संसद प्रतिनिधिसभाका सभामुख अग्निप्रसाद सापकोटाले नेकपाले उपसभामुखको टुङ्गाे लगाएपछि मात्र निर्वाचन प्रक्रिया अगाडि बढ्ने बताए।
‘मैले नेकपाको संसदीय दलको उपनेतासँग कुरा गरेको छु । उहाँले नेकपाले नै यो विषय टुङ्ग्याउनुपर्छ भन्नुभएको छ । नेकपाले टुङ्ग्याएपछि अगाडि बढ्छ,’ सोमबार सिंहदरबारमा भएको पत्रकार भेटघाट कार्यक्रममा सभामुख सापकोटाले भने ।
संसदमा बहुमत भएको नेकपाले उपसभामुख कुन पार्टीलाई दिने भन्ने निर्णयअनुसार नै उपसभामुखकाे निर्वाचन प्रक्रिया अगाडि बढ्छ । नेकपाले कसलाई उपसभामुख बनाउने भन्ने टुंगो लगाएपछि मात्र निर्वाचन प्रक्रिया अगाडि बढ्ने सभामुख सापकोटाले जानकारी दिए ।
सभामुख सत्तारुढ नेकपाबाट भएकाले उपसभामुख अर्को पार्टीले पाउनेछ ।
प्रकाशित मिति: ४ चैत्र २०७६, मंगलबार
