कोरोना भाइरसबाट भारतमा एक जनाको मृत्यु

कर्नाटक, फागुुुन ३०
कोरोना भाइसर (कोभिड-१९) क्रमणबाट भारतमा पनि एकजनाले ज्यान गुमाएका छन् । कर्नाटक कलबुरागीका एक ७६ वर्षीय वृद्धको मृत्यु भएको हो । 

कर्नाटक सरकारका स्वास्थ्यथ अधिकारी डा. सुरेश शास्त्रीकाअनुसार मृत्यु भइसकेका ती व्यक्तिको पहिले लिएको नमुना परीक्षणको रिपोर्टमा कोभिड–१९ पोजेटिभ देखिएको थियो ।

भारतीय स्वाथ्य मन्त्रालयका अनुसार मृतक व्यक्ति  २९ जनवरी देखि २९ फेब्रुअरीसम्म साउदी अरब घुमेर फर्किएका थिए। २९ फेब्रुअरीमा उनी हैदराबाद हुँदै कर्नाटक पुगेका थिए । ६ मार्चमा उनलाई ज्वरो र खोकी देखिएपछि एक डाक्टर उनको घरमै गइ उपचार गरेका थिए।

रोगले च्यापेपछि ९ मार्चमा उनी  कलबुरागीको एक निजी अस्पतालमा गएका थिए । त्यहाँबाट हैदरावाद रिफर गरिएपछि हैदरावादको एक निजी अस्पतालमा भर्ना भइ उपचार गरेका थिए ।  त्यहाँबाट पनि फर्काएर कालाबुरागीको गुलबर्गा इन्स्टिट्यूट फ मेडिकल साइन्स् अस्पतालमा लैजाने क्रममा मंगलबार उनको मृत्यु भएको भारतीय मिडियाहरुले जनाएका छन्। 

कर्नाटकमा अन्य ५ जनामा पनि कोभिड–१९ भाइरसको संक्रमण देखिएको खबर छ। कर्नाटक सरकारले ती व्यक्तिको सम्पर्कमा पुगेका सबैको खोजी गरी परीक्षण गर्ने र सुरक्षा उपाय अपनाउने प्रयास  गरिरहेको बताइएको छ।